 |
Семинарская и святоотеческая библиотеки |
|
|
ЛИТУРГИЯ АПОСТОЛА ИАКОВА (церковно-славянский извод) ЛИТУРГИЯ ОГЛАШАЕМЫХ 3 Молитва предстоятеля о себе. 3 Молитва предстояния. 3 Молитва входа в храм на кадильницу 4 Молитва входа: 5 Мирная ектенья 6 Молитва пред пением Трисвятаго: 6 Трисвятое 7 Молитва перед чтением Евангелия 8 Сугубая ектения 9 Просительная ектенья 10 ЛИТУРГИЯ ВЕРНЫХ 11 Молитва главопреклонения, верных . 11 [Входная песнь литургии верных 11 Молитва предложения: 12 Молитва над фимиамом. 12 Символ веры 13 Молитва перед целованием мира и любви 14 Молитва главопреклонная 14 Всеобщая (кафолическая) ектенья, великая. 15 Молитва св. Иакова Иерусалимскаго 17 Молитва в алтаре («за завесой»): 18 Преданафоральная часть. 19 АНАФОРА. 19 Причащение священнослужителей Святых Таин Христовых. 32 Молитва главопреклонная. 34 Молитва заамвонная, или от престола до сосудохранилища 35 ЛИТУРГИЯ ОГЛАШАЕМЫХ Выходит Диакон и встает слева от царских врат лицом к народу, т.е. к западу. Святые двери и завеса закрыты. Пред святым престолом встает Предстоятель, сослужащие ему пресвитеры окружают его по степени старшинства. Стоя перед престолом и глядя на восток, Предстоятель произносит молитву тихим голосом, но чтобы было слышно сослужащим: Молитва предстоятеля о себе. Предстоятель: Оскверненна грехми многими, да не презриши мене Владыко Господи Боже наш. Се бо приступих к божественному сему пренебесному таинству, не яко един Cый достоин, но взирая на твою благостыню, глас Ти пущаю: Боже, милостив буди мне грешному; согреших на небо и пред Тобою, и несмь достоин воззрети на святую Твою сию и духовную трапезу, на нейже Единородный Твой Сын и Господь наш Иисус Христос мною грешным и всякою скверною окалянным, тайно приносится в жертву. Сего ради Тебе моление и благодарение приношу, еже ниспослати ми Духа Твоего Утешителя, укрепляющего мя к службе сей, и от Тебя возвещенный ми глас неосужденно проповедати людем сподоби, во Иисусе Христе Господе нашем, с Ним же благословен еси со всесвятым, и благим, и животворящим Твоим Духом, ныне и присно и во веки веков. Сослужащие: Аминь. После молитвы открываются завеса и Святые двери. Молитва предстояния. Предстоятель (стоя пред святым престолом и глядя на восток, возглашает, когда все уже восстали): Слава Отцу и Сыну и Святому Духу, троичному и единичному свету Божества, сущего во Троице единичне и разделяемого нераздельне. Егоже славу небеса поведают, земля же его владычество и море Его державу, и всякая чувственная и умная тварь Его величество выну проповедает. Яко Тому подобает всякая слава, честь, держава и великолепие, ныне и присно и во веки веков. Народ: Аминь. Предстоятель (молится вслух сослужащих): Благодетелю и Царю Веков, и всея твари содетелю, приими приходящую чрез Христа Твоего Церковь Твою. Коемуждо полезное исполни, приведи всех в совершение и достойны ны соделай благодати освящения Твоего, совокупляя ны во святую Твою соборную и апостольскую Церковь, Юже стяжал еси честною кровию Единородного Сына Твоего, Господа и Спаса нашего Иисуса Христа, с Ним же благословен еси, со Пресвятым и Благим и Животворящим Твоим Духом ныне и присно и во веки веков. Сослужащие: Аминь. Диакон (стоя посреди солеи лицом к народу): Господу помолимся! (и входит в алтарь) Народ ничего не отвечает. Предстоятель принимает кадильницу от Диакона, которому подает ее пономарь и трижды кадит святой престол с передней, то есть восточной стороны, громко произнося молитву: Молитва входа в храм на кадильницу Предстоятель: Боже, приемый Авелевы дары, Ноеву и Авраамову жертву, Аароново и Захарьино кадило, приими и от рук нас грешных кадило сие в воню благоухания и во оставление грехов наших и всех людей Твоих, и сотвори со вхождением нашим, входу святых ангел быти и сослужащих с нами и сославословящих Твоей благости. Яко благословен еси, и подобает Тебе слава, Отцу и Сыну и Святому Духу, ныне и присно и во веки веков. Сослужащие: Аминь. Диакон (тихо): Господи, благослови! Предстоятель (тихо благословляя Диакона): Господь и Бог наш Иисус Христос, по преизбычеству благости и превыспреннея любви Своея ради распныйся, и не воспрепятствовавый копием и гвозьдми Ся пронзити; тайное же и страшное сие приношение присно преподавый нам вечныя памяти ради, да благословит твое во Христе Боге диаконство, и да благословит вход наш, и да удостоит ны, се представшия, исполнити службу сию, по неизреченному милосердию Своему, ныне и присно, и во веки веков. Диакон: Аминь. Диакон (тихо отвечая предстоятелю): Господь да благословит и удостоит ны, яко серафимы, принести дары сия и воспети трисвятую многохвальную и боговдохновенную песнь сию и, всясовершительну и преисполненну всякаго освятительнаго Того совершенства, ныне и присно, и во веки веков. Предстоятель: Аминь. Предстоятель отдает кадильницу Диакону, тот отдает ее пономарю. Народ: Единородный Сыне и Слове Божий безсмертен сый и изволивый спасения нашего ради воплотитися от святыя Богородицы и Приснодевы Марии, непреложно вочеловечивыйся, распныйся же Христе Боже, смертию смерть поправый, Един сый Святыя Троицы, спрославляемый Отцу и Святому Духу спаси нас. Порядок совершения малого входа: Предстоятель во время пения тропаря «Единородный Сыне…» даёт Диакону в правую руку святое Евангелие, в левую - Книгу писаний апостольских, сам же берёт Писания пророческие и держит их у левой стороны груди. И затем совершается вход: 1. впереди идут свеченосцы-пономари, 2. после - Диакон, 3. а затем - Предстоятель. Они выходят через северные двери и идут до западной стены храма. Придя к аналою, который стоит на амвоне посреди храма, Пресвитер восходит на амвон и возлагает Евангелие на аналой, беря у Диакона, потом принимает и Книгу апостольскую, затем и Книгу пророческую и также возлагает их на аналой. И все идут дальше до ступеней солеи и здесь встают, ожидая окончания пения тропаря "Единородный Сын". По окончании пения Предстоятель, глядя на восток, громко произносит молитву: Молитва входа: Предстоятель (перед святыми дверями говорит): Боже Вседержителю, великоимените Господи, давый нам вход во Святая Святых ради пришествия Единороднаго Сына Твоего, Господа и Бога и Спаса нашего Иисуса Христа! Просим и молим благость Твою, зане страхом содержими есмы и трепетни, хотяще предстати Святому Твоему Жертвеннику, того ради ниспошли на ны, Боже, благодать Твою благу и освяти наша души и телеса и дыхание, и измени мудрования наша плотския ко благочестию, яко да в чистей совести принесем Ти дары, даяния, плоды во оставление грехов наших и во очищение всем людем Твоим. Диакон: Аминь. Предстоятель (по входе в алтарь с Горнего места): Мир всем! Народ: И духови твоему! Предстоятель: Господь да благословит вся ны, и да освятит ны при входе и возношении божественных и пречистых Таинств, покоя и блаженныя души со святыми и праведными. Благодатию и человеколюбием Своим, ныне и присно, и во веки веков. Народ: Аминь. Мирная ектенья (Диакон выходит на солею и произносит на солее, лицом к народу) Диакон: Миром Господу помолимся. Народ: Господи, помилуй. - О свышнем мире, человеколюбии Божии, и о спасении душ наших Господу помолимся. - О мире всего мiра и соединении всех святых Божиих Церквей Господу помолимся. - О спасении и заступлении Великого Господина и Отца нашего, Святейшего Патриарха АЛЕКСИЯ и Господина и Отца нашего Архиепископа ВИКЕНТИЯ, о всем клире и христолюбивых людех, Господу помолимся. - Об отпущении грехов и прощении согрешений наших, и избавлении нас от всякия скорби, гнева, беды и нужды, и нападения врагов Господу помолимся. - Пресвятую, Пречистую, Преславную, Благословенную Владычицу нашу Богородицу и Приснодеву Марию, святаго Иоанна, славнаго пророка, Предтечу и Крестителя, божественных и всехвальных апостол, славных пророк и победоносных мученик, и всех святых и праведных помянувше, во еже по молитвам и ходатайству их всем нам помилованым быти. Народ: Господи, помилуй (трижды). Молитва пред пением Трисвятаго: Предстоятель: Щедре и милосерде, долготерпеливе, и многомилостиве, и истинне Господи! Воззри с вышняго жилища Твоего и услыши ны, раб своих, молящих Ти ся , и избави ны от всякаго искушения диавольскаго и человеческаго, и не отыми от ны помощь Твою, и не наведи на ны наказания, превышающия силы наша. Не бо можем предолети преткновения, Ты же силен еси, Господи, спасти ны от всех противлений сих. Спаси ны, Боже, от бедствий мiра сего, благости ради Твоея, яко да и мы, совестию чистою ко святому Твоему сему жертвеннику да внидем, блаженнаго и трисвятаго пения с небесныя Силы Твоя неосужденно возсылати Ти, и совершив же благоприятную Ти и божественную службу сию, сподобимся жизни вечныя. Яко Свят еси, Господи Боже наш, и во святых живеши и почиваеши, и Тебе и славу и Трисвятую песнь возсылаем Отцу, и Сыну, и Святому Духу, ныне и присно, и во веки веков. Народ: Аминь. Трисвятое Народ: Святый Боже, Святый Крепкий, Святый Безсмертный, помилуй нас. (3 раза) Слава Отцу и Сыну и Святому Духу, ныне и всегда, и во веки веков. Аминь. Святый Безсмертный, помилуй нас. Святый Боже, Святый Крепкий, Святый Безсмертный, помилуй нас. Диакон: Вонмем Предстоятель: Мир всем! Народ: И духови твоему. Народ (тотчас начинает петь - медленно и со сладкопением): Аллилуия. (Трижды) Предстоятель с сослужащими выходит через святые двери из алтаря и идёт на середину храма, и восходит на амвон-кафедру. Чтец берёт от Предстоятеля благословение и встаёт перед аналоем на амвоне, лицом к западу. Чтец: Пророчества (имярек) чтение. Диакон: Вонмем. Чтец читает пророчество; (все сидят) Народ: Аллилуия. (Трижды) Проповедь от Предстоятеля. Предстоятель (читает молитву на кадильницу, которую держит в руках Диакон, Предстоятель благословляет, а Диакон кадит во время чтения молитвы сей Евангелие, Предстоятеля, сослужащих, народ): Тебе, исполненному всякаго благоухания и веселия, Господи Боже наш. От них же дал еси нам кадило сие приношати пред Тобою, да вознесется Ти от худых наших рук во святый и пренебесный Твой жертвенник в воню благоухания духовнаго и во оставление грехов наших и всех людей Твоих. Благостию, щедротами и человеколюбием Единороднаго Сына Твоего, с Ним же благословен еси, со Пресвятым, Благим и Животворящим Твоим Духом, ныне и присно во веки веков. Народ: Аминь. Молитва перед чтением Евангелия Предстоятель: Возсияй в сердцах наших, Человеколюбче Владыко, Твоего Богоразумия нетленный свет, и мысленныя наши отверзи очи во Евангельских Твоих проповеданий разумение: вложи в нас и страх блаженных Твоих заповедей, да плотския похоти вся поправше, духовное жительство пройдем, вся, яже ко благоугождению Твоему и мудрствующе и деюще. Ты бо еси просвещение душ и телес наших, Христе Боже, и Тебе славу возсылаем, со Безначальным Твоим Отцем, и Всесвятым и Благим и Животворящим Твоим Духом, ныне и присно и во веки веков. Народ: Аминь. Диакон: Премудрость, прости, услышим Святаго Евангелиа. Предстоятель: Мир всем. Народ: И духови твоему. Предстоятель: От (имя рек) Святаго Евангелия чтение. Диакон: Вонмем святому чтению. И Предстоятель, лицом к народу, читает всем стоящим святое Евангелие Народ: Аллилуия (трижды). Проповедь от Предстоятеля. Диакон: Имярек послания святаго апостола Павла чтение. Вонмем. Проповедь от Предстоятеля. Народ: Аллилуия (трижды). Предстоятель: подает святые книги Диакону, сам же также берет книгу пророчеств, подобно тому, как совершали вход малый, уходят обратно в алтарь. Народ (медленно): Слава Тебе, Господи, слава Тебе! И все встают на своих местах, Диакон же на солее, лицом на запад, как и стояли в начале божественной службы. Святое Евангелие кладётся на святом престоле в горней его стороне, прочие же книги откладываются. Сугубая ектения Диакон (лицом к народу): Рцем вси: Господи, помилуй. Народ: Господи, помилуй. - Господи, Вседержителю, Пренебесне, Боже отец наших, молимтися, услыши и помилуй. - Еще молимся о свышнем мире и о спасении душ наших. - Еще молимся о мире всего мiра и единении святых Божиих Церквей. - Еще молимся о спасении и заступлении Великого Господина и Отца нашего Святейшего Патриарха АЛЕКСИЯ и Господина и Отца нашего Архиепископа ВИКЕНТИЯ, всего клира и всех христолюбивых людех, молим Тя, услыши и помилуй. - Еще молимся о избавлении нас от всякия скорби, гнева, беды и нужды, пленения, тяжкия смерти и беззаконий наших, молим Тя, услыши и помилуй. - Еще молимся о предстоящих людех и ожидающих от Тебя великия и богатыя милости, молим Тя, буди благоутробен и помилуй. Предстоятель (обращаясь к народу из святых дверей и благословляя их): Спаси, Боже, люди Твоя и благослови достояние Твое. Диакон: Посети мир Твой милостию и щедротами, укрепи христиан силою святого и животворящего Креста, молитвами Пресвятыя, Благословенныя Владычицы нашея Богородицы, Предтечи и апостолов Твоих, и всех святых Твоих, молим Тебя, многомилостивый Господи, услыши нас, молящихся Тебе, и помилуй. Народ: Господи, помилуй (трижды). Просительная ектенья Диакон: Вонмем усердно: миром Господу помолимся. Народ: Господи, помилуй (здесь - и далее). - О прощении грехов и согрешений наших, о избавити нас от всякия скорби, гнева, беды и нужды, и нападения вражия, Господу помолимся. - Дне всего совершенна, свята, мирна и безгрешна, у Господа просим. Народ: Подай, Господи (здесь - и далее) - Ангела мирна, верна наставника, хранителя душ и телес наших, у Господа просим. - Прощения и отпущения грехов и согрешений наших у Господа просим. - Добраго и полезнаго душам нашим и мира мiрови у Господа просим. - Прочее время живота нашего в мире и покаянии скончати, у Господа просим. - Христианския кончины жизни нашея безболезненныя, непостыдныя, и добраго ответа на страшном Суде Христовом просим. - Пресвятую, Пречистую, Преблагословенную Владычицу нашу Богородицу и Приснодеву Марию, со всеми святыми и праведными помянувше, сами себе и друг друга, и весь живот наш Христу Богу предадим. Народ: Тебе, Господи. Предстоятель: Боже, огласивший ны божественными и спасительными Твоими словесы, просвети души нас грешных к восприятию преждечтенного, яко да не токмо слышатели явим себе духовных речений, но и творцы деяний благих, содержащия веру нелицемерну, живот незазорен, жительство неукорно, во Христе Иисусе Господе нашем, с Нимже благословен еси, со Всесвятым и Благим и Животворящим Твоим Духом, ныне и присно и во веки веков. Народ: Аминь. ЛИТУРГИЯ ВЕРНЫХ Предстоятель: Мир всем. Народ: И духови твоему. Диакон: Главы ваша Господеви преклоните. Народ: Тебе, Господи. Молитва главопреклонения, верных . Предстоятель (перед святым престолом): Владыко Животворче и благих Подателю, давый человекам блаженную надежду жизни вечныя, Господа нашего Иисуса Христа, сподоби ны, Блаже, во освящении и сию Ти божественную совершати службу, в наслаждении хотящего быти блаженства. (И вместе с пресвитерами раскрывает антиминс, произнося сии слова славословия:) Яко под державою Твоею всегда храними, и во свет истины путеводими, Тебе славу возсылаем, Отцу и Сыну и Святому Духу, ныне и присно, и во веки веков. Народ: Аминь. Диакон: Миром воспоем Христу: да никто от оглашенных, да никто от непосвященных, да никто от немогущих молитися с нами. Познайте друг друга. Двери. Прости вси. И входит в алтарь через малые двери [Входная песнь литургии верных Народ (начинают певцы медленно и со сладкопением): Да молчит всякая плоть человеча…] Пока эта песнь поётся, Предстоятель берёт кадильницу и кадит святой престол со всех сторон, весь алтарь, также святые иконы и народ, по обычаю. Предстоятель по каждении целует святой престол и, поклонившись народу, выходит с Диаконом в предложение, и здесь они умывают руки, умывают руки и сослужащие пресвитеры. Также Предстоятель подаёт Диакону святой дискос, ничего не говоря, Диакон же не берёт дискос на голову, а держит его у груди. Пресвитер берёт святой потир и совершает вход, как предписано для входа с книгами божественных Писаний. Впереди идут пономари со свечами и старший из них благословляется на каждение кадильницей и с ней он идет за двумя свещеносцами пред дарами, несомыми Диаконом и Предстоятелем и кадит предлагаемые дары. Достигнув амвона, который на середине храма, пресвитер и Диакон встают на нижней его ступени, лицом к западу, и здесь поминают тех, за которых приносится святая жертва, живых и умерших: Предстоятель: Великого Господина и Отца нашего АЛЕКСИЯ, Святейшего Патриарха Московскаго и всея Руси, и Господина и Отца нашего ВИКЕНТИЯ, Архиепископа Екатеринбургскаго и Верхотурскаго, да помянет Господь Бог всегда, ныне и присно, и во веки веков. Зде начальствующих, учащих и учащихся да помянет Господь Бог всегда, ныне и присно, и во веки веков. Настоятеля и служащих во святем храме сем: протоиерея ПЕТРА, и т.д. (поминает всех поименно молящихся, если желает…) Диакон: Всех вас да воспомянет Господь Бог во Царствии Своем всегда, ныне и присно, и во веки веков. Народ (протяжно): Аминь. Молитва предложения: Предстоятель (в царских вратах, при поставлении святых даров на престол): Боже, Боже наш, небесный Хлеб, пищу всему миру, Господа нашего Иисуса Христа пославый, Спаса, и Избавителя, и благодетеля, благословяща и освящающа нас. Сам благослови предложение сие и приими е в пренебесный Твой Жертвенник. (Предстоятель: входит с Диаконом в алтарь, и они ставят святыни на святом престоле, как и на литургии Златоустовой. Все покровы снимаются, и молитва продолжается перед святым престолом): Помяни, яко благ, и Человеколюбец, принесших и ихже ради принесоша; и нас неосужденны сохрани во священодействии Божественных Твоих Таин. Яко святися и прославися пречестное и великолепое имя Твое, Отца и Сына и Святаго Духа, ныне и присно и во веки веков. Народ: Аминь. [(Певцы поют 2-ю часть входной песни:) Предходят же сему …] Молитва над фимиамом. Предстоятель (кадя предложенные Дары): Владыко Вседержителю, Царю Славы, ведый вся прежде бытия их, прииди к нам во святый час сей призывающим Тя, и избави нас от срама греховного, очисти наш ум и помышления от нечистых похотей и мирския прелести и всякаго диавольскаго действа, и приими из рук нас грешных фимиам сей, якоже приял еси приношение и Авелево, и Ноево, и Аароново, и всех святых Твоих, избавляя нас от всякаго деяния лукаваго, и спасая во еже всегда благоугождати, и поклонятися, и славити Тебе, Отца и Единородного Твоего Сына, и Духа Твоего Всесвятаго, ныне и присно и во веки веков. Народ: Аминь. Диакон встает на солее, лицом к народу. Предстоятель: Мир всем! Диакон (став лицом к востоку): Господи, благослови! Предстоятель: Благословен Бог, благословляяй и освящаяй вся ны в предложении божественных и пречистых таинств, и блаженныя души упокоеваяй со святыя и праведныя, ныне и присно, и во веки веков. Диакон (снова обратившись к народу): Премудрость, вонмем. Символ веры Народ (поет): Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век, Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедщего с Небес, и воплотившегося от Духа Сеята и Марии Девы, и вочеловечшася. Распятаго же за ны при Понтийтем Пилате, и страдавша и погребенна. И воскресшаго в третий день по Писанием. И восшедшего на Небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящего, Иже со Отцем и Сыном спокланяема и сславима, глаголавшего пророки.. Во Едину Святую Соборную и Апостольскую Церковь. Исповедую едино Крещение во оставление грехов. Чаю воскресения мертвых и жизни будущаго века. Аминь. Диакон (обращаясь к народу): Станем добре! Станем благоговейно, станем со страхом Божиим и сокрушением! Миром Господу помолимся. Молитва перед целованием мира и любви Предстоятель: Боже и Владыко всех, достойны ны соделай часа сего недостойных, да очистившася от всякаго коварства и лицемерия, соединимся друг другу любве и мира союзом, утверждены Твоего боговедения священием, ради Единородного Твоего Сына Иисуса Христа, с нимже благословен еси, со Пресвятым и Благим и Животворящим Твоим Духом, ныне и присно и во веки веков. Яко Бог мира, милости, любви и щедрот и человеколюбия еси, и Тебе славу возсылаем, Отцу, и Сыну, и Святому Духу, ныне и присно, и во веки веков. Народ: Аминь. Предстоятель: Мир всем. Народ: И духови твоему. Диакон: Возлюбим друг друга лобзанием святым. Народ: Возлюблю Тя Господи, крепосте моя, Господь прибежище мое и избавитель мой. Предстоятель целует край дискоса, край чаши и святой престол. То же делают и сослужащие пресвитеры. После целуют предстоятелю руку, а друг друга - в уста, как мы обычно делаем в святой день Пасхи. То же делают и Диаконы, стоящие на солее и все сослужащие между собой. Диакон: Главы наши Господеви приклоним. Молитва главопреклонная Предстоятель (преклонив главу с народом): Едине Господи и милостиве Боже, преклоньшим выи своя пред святым Твоим жертвенником и просящим у Тебя духовные дары, ниспошли благодать Твою благую, и благослови всех нас всяким благословением духовным и неотъемлемым, Иже в вышних живый и на смиренныя призираяй. Яко хвально и поклоняемо, и прославлено есть имя Твое, Отца, и Сына, и Святаго Духа, ныне и присно, и во веки веков. Народ: Аминь. Диакон: Господи, благослови. Предстоятель: Господь да благословит всех нас, и да поспешит нам, и достойны сотворит ны предстояния святаго Своего Жертвенника и пришествия (знаменует крестообразно дискос) Святаго Своего Духа (знаменует крестообразно потир) Своею благодатию и человеколюбием всегда, ныне и присно, и во веки веков. Народ: Аминь. Всеобщая (кафолическая) ектенья, великая. Диакон (лицом к народу): Миром Господу помолимся. Народ: Господи, помилуй (за каждым прошением) (повернувшись к алтарю) - Спаси, помилуй, пощади, сохрани и ущедри нас, Боже, Твоею благодатию. (лицом к народу) - О свышнем мире и Божием человеколюбии и о спасении душ наших Господу помолимся. - О мире всего мира и единении всех святых Божиих церквей, Господу помолимся. - О святей вселенстей и апостольстей Церкви еже от конец земли даже до конец ея, Господу помолимся. - О спасении и заступлении Великаго Господина Святейшего Отца и Патриарха нашего АЛЕКСИЯ, и Господина нашего Высокопреосвященнейшего Архиепископа ВИКЕНТИЯ, о всем причте и о христолюбивых людех, Господу помолимся. - О Богохранимой стране нашей Российской, господине Президенте, всей палате и воинстве его, Господу помолимся. - О зде начальствующих, учащих и учащихся, Господу помолимся. - О граде сем, всяком граде и стране, и о иже в православной вере и благочестии Божии живущих в них, о мире и безмятежии их, Господу помолимся. - О плодоносящих и добродеющих во святых Божиих церквах, и поминающих убогих, вдовицы и сироты, странные и в нужде сущыя и о заповедавших нам, яко да помянем их в молитвах, Господу помолимся. - О еже в старости и в немощи сущих, болящих, труждающихся, и от духов нечистых стужаемых, еже от Бога скором исцелении и спасении их, Господу помолимся. - О еже в девстве и чистом подвизе, и в честнем браце пребывающих, и о еже в горах, вертепах и пропастех земных подвизающихся преподобных отцех и братиях, Господу помолимся. - О плавающих, путешествующих, странствующих христианех, и о еже в пленении и изгнании, и в темницах и в тяжких работах сущих братиях наших, мирном возвращении коегождого в дом его с радостию ,Господу помолимся. - О предстоящих и сомолящихся нам в час сей святый и во всякое время отцех же и братиях, тщании, труде и усердии их, Господу помолимся. - И о всякой душе христианстей, скорбящей и озлобленней, милости Божия и помощи требующей, и о обращении заблудших, здравии болящих, о свобождении плененных, упокоении преждепочивших отец и братий, Господу помолимся. - О оставлении грехов и прощении согрешений наших, и о еже избавитися нам от всякия скорби, гнева, беды и нужды, и возстания язык, Господу помолимся. - Пространнее о благорастворении воздухов о дождех мирных, росах благих, плодов изобилии, совершенном плодородии и о венце лета, Господу помолимся. - О еже услышану быти молению нашему пред Богом и ниспослатися нам богатым милостем и щедротам Его, Господу помолимся. - Пресвятую, пречистую, преславную, благословенную Владычицу нашу Богородицу и Приснодеву Марию, святых и блаженных Иоанна, славнаго пророка, Предтечу и Крестителя, Стефана перводиакона и первомученика, Моисеа, Аарона, Илию, Елисея, Самуила, Даниила, Давида пророки, и вся святыя и праведныя помянем, яко да молитвами и молениями их и предстательствами вси помилованы будем. - О Предлежащих честных и пренебесных, неизреченных, пречистых, славных страшных, ужасных божественных Дарех и о спасении предстоящего и приносящего сия: честнаго (имя рек предстоящего), Господа Бога молим. Народ: Господи, помилуй. (трижды) Предстоятель: Слава в вышних Богу, и на земли мир, в человецех благоволение (трижды). Господи, устне мои отверзеши, и уста моя возвестят хвалу Твою (трижды). Да исполнятся уста моя хваления Твоего, Господи, яко да воспою славу Твою, весь день великолепие Твое (трижды). Слава Отцу, и Сыну, и Святому Духу ныне и присно, и во веки веков. Народ: Аминь. Предстоятель с Диаконом, выходит через святые двери на солею и лицом к народу поёт это вместе с Диаконом, а после того, как народ ответил, он кланяется и возвращается к святому престолу. Сотворив поклон сослужащим, поет вместе с ними во глас 5-й, со сладкопением: Предстоятель: Возвеличите Господа со мною, и вознесем имя его вкупe. Народ (глас тот же): Дух Святый найдет на тя, и сила Вышнего осенит тя. Молитва св. Иакова Иерусалимскаго Предстоятель (негромко): Призревый на ны милостию и щедротами, Владыко Господи, и даровавый дерзновение нам смиренным и грешным и недостойным рабом Твоим предстояти святому Твоему жертвеннику и приносити Тебе страшную сию и безкровную жертву о наших гресех и людских неведениих, призри на мя, непотребного раба Твоего, и изглади моя прегрешения благоутробия ради Твоего, и очисти моя уста и сердце от всякия скверны плоти и духа, и остави от мене всякий промысел срамный же и неразумный, и удовли мя силою всесвятаго Твоего Духа, в службу сию, и приими мя ради Твоея благости, приближающагося святому жертвеннику, и благоволи, Господи, приятным быти приносимым Тебе даром сим руками нашими, снисходяще моим немощем, и не отвержи мене от лица Твоего, ниже возгнушайся моего недостоинства, но помилуй мя, Боже, и по множеству щедрот Твоих презри беззакония моя, яко да неосужденно пришед пред славу Твою, сподоблюся покрова единородного Твоего Сына и озарения Всесвятаго Твоего Духа, и не яко раб греха отвержен буду, но яко раб Твой обрету благодать и милость и оставление грехов, в сем и будущем веце. Возгласно: Ей, Владыко Вседержителю, всесильный Господи, услыши моление мое: ты бо еси вся действуяй во всех, и от Тебе вси чаем во всех помощи же и заступления, и от Единородного Твоего Сына, и животворящего Духа, ныне и присно и во веки веков. Народ: Аминь. Предстоятель: Боже, иже ради многаго Твоего ради и неизреченного человеколюбия ниспославый Единородного Сына Твоего в мир, да заблудшее возвратит овча, не отвратися нас грешных, вручающим Ти страшную сию и бескровную жертву: не бо на правды наша уповаемы есмы, но на милость Твою благую, (лицем к народу): еюже наш род соблюдаеши. И ныне молимся и просим Твою благостыню: да не будет во осуждение людем Твоим устроенное нам сие ко спасению таинство, но во оставление грехов, во обновление душ и телес, во благоугождение Тебе, Богу и Отцу милостию и человеколюбием Единароднаго Сына Твоего, с ним же благословен еси, со Пресвятым, и благим и животворящим Твоим Духом, ныне и присно, и во веки веков. Народ: Аминь. Молитва в алтаре («за завесой»): Предстоятель: Благодарим Тя, Господи Боже наш, яко дал еси нам дерзновение во входе святых, егоже обновил еси нам путь новый и живый чрез завесу плоти Христа Твоего. Сподобившеся же внити на место селения славы Твоея, внутрь же быти завесы, и святая святых зрети, припадаем благостыне Твоей, Владыко, помилуй нас, понеже пристрашни и трепетни есмы хотяще предстояти святому Твоему жертвеннику, и приносити Тебе страшную сию и бескровную жертву о наших гресех и людских неведениих. Ниспосли на ны Боже, благодать Твою благую, и освяти души и телеса и дуси, и премени помышления наша ко благочестию, яко да чистой совестию принесем Тебе милость, мир, жертву хваления. Милостию и щедротами Единородного Сына Твоего, с Ним же благословен еси, со Пресвятым и Благим и Животворящим Твоим Духом, ныне и присно и во веки веков. Народ: Аминь. Преданафоральная часть. Предстоятель: Мир всем! Народ: И духови твоему. Диакон: Станем добре. Станем благочестне. Станем со страхом Божиим и сокрушением. Вонмем: святое возношение в мире Богу приносити. Диакон, войдя малыми дверями во святый алтарь, берет рипиду и веет над дарами. Народ: Милость мира, жертву хваления. Предстоятель (вслух сослужащих): Иже знаменательно одевающия священнодействие покровы гаданий открыв, ясно покажи нам, и умные очи наша необыменного Твоего света исполни, и очистив нищету нашу от всякия скверны плоти и духа, достойны соделай ны страшнаго сего и ужаснаго предстояния, яко преблагоутробен и милостив Бог еси, и Тебе славу воссылаем, Отцу и Сыну и Святому Духу, ныне и присно и во веки веков. (Выйдя из царских врат, стоя на верхней ступени солеи, лицом к народу, и подняв правую руку, благословляет народ): Любы Бога и Отца, и благодать Господа и Бога и Спаса нашего Иисуса Христа и причастие и дар Всесвятаго Духа буди со всеми вами. Народ: И со духом твоим. Предстоятель (возведя очи свои ввысь и подняв руки, лицом к народу): Горе имеем ум и сердца. Народ: Имамы ко Господу. Предстоятель (сложив руки крестообразно на груди, кланяется народу и возвращается к Престолу): Благодарим Господа. Народ: Достойно и праведно. АНАФОРА. Предстоятель (преклонив голову и немного приподняв перед собой руки): Яко воистину достойно есть и праведно, лепо же и потребно, Тя хвалити, Тя пети, Тебе благословити, Тебе кланятися, Тебе славословити, Тебе благодарити всякия твари видимыя и невидимыя содетеля, сокровище вечных благ, источника жизни и бессмертия, всяческих Бога и Владыку, Егоже поют небеса и небеса небес, и вся силы их, солнце и луна и весь звездный лик, земля, море и вся яже в них, Иерусалим пренебесный, торжествующий собор избранных, Церковь перворожденных, написанных на небесех, дуси праведных и пророк, души мученик и апостол, ангелы, архангелы, престолы, господьствия же, начала и власти, и силы страшныя, херувими многоочитии, и шестокрилатии серафими, иже двема крилама покрывают лица своя, двема же ноги и двема летающе взывают друг ко другу неусыпными усты, немолчными славословеньми, победную песнь великолепныя Твоея славы, светлым гласом поюще, вопиюще, взывающе и глаголюще: Народ: Свят, Свят, Свят Господь Саваоф, исполнь небо и земля славы Твоея! Осанна в вышних, благословен грядый во имя Господне, осанна в вышних! Предстоятель: Свят еси (знаменует дискос ?) Царю Веков и всякия святыни Господи и подателю (знаменует чашу ?), Свят и единородный Твой Сын, Господь наш Иисус Христос, Имже вся сотворил еси (знаменует дискос и чашу вместе ?), Свят же и Дух Твой всесвятый, проницаяй всяческая, и глубины Твоя, Бога и Отца. Свят еси, Вседержителю, всесильне, страшне, блаже, благоутробне, страшне, милосерде, наипаче состраждаяй созданию Твоему. Сотворивый от земли человека по образу Твоему и подобию, и даровавый ему наслаждение райское, преступивша же заповедь Твою и отпадша, сего не презрел еси, ниже оставил еси, Блаже, но наказал еси его яко милосердный Отец, призвал еси его чрез закон, наздал еси его чрез пророки, последи же Самаго Единороднаго Твоего Сына, Господа нашего Иисуса Христа ниспослал еси в мир, да Сам пришед Твой обновит и возставит образ. Иже сошед с небесе и воплощься от Духа Свята и Марии, Святыя Приснодевы и Богородицы, споживе же человеком, вся устрои ко спасению рода нашего. Хотяще же вольную и животворящую тридневну смерть крестом прияти, безгрешен, за ны грешныя, в нощь, в ню же предаяшеся, паче же Сам Себе предаяше за мiрский живот и спасение (Предстоятель берет левой рукой с дискоса святой хлеб и держит его, немного приподняв) прием хлеб во святыя и безсмертныя и непорочныя Своя руки, воззрев на небеса, и показав Тебе Богу и Отцу, благодарив, благословив, освятив, (знаменует святой хлеб, ? берет его в руки и держит крайними перстами правой руки, немного приподняв) преломив, подаде святым и блаженным Своим учеником и апостолом, рек: Приимите, ядите, сие есть Тело Мое еже за вы ломимое во оставление грехов. (и кладет святой хлеб на дискос). Народ: Аминь. Предстоятель: (берет святую чашу и держит ее, немного приподняв, и возглашает): Такожде по вечери, прием чашу, растворенну от вина и воды, зряща на небеса показав Тебе Богу и Отцу, и благодарив, освятив (благословляет чашу ?), исполнив Духа Свята, подаде святым и блаженным Своим учеником и Апостолом, рек: Пейти от нея вси: сия есть Кровь Моя Новаго завета, яже за вы и за многи изливаемая и предаваемая во оставление грехов. (ставит чашу на Престол). Народ: Аминь. Предстоятель: Сие творите в Мое воспоминание: елижды бо аще ясте хлеб сей и чашу сию пиете, смерть Сына Человеческаго возвещаете и воскресение Его исповедуете, дондеже не приидет. Диакон (обратившись лицом к Святой Трапезе): Веруем и исповедуем. Народ (на 8-й глас, со сладкопением и медленно): Смерть Твою, Господи, возвещаем и воскресение Твое исповедуем. Предстоятель: Поминающе убо и мы грешнии животворящия Его страдания, спасительный крест, и смерть, и погребение, и тридневное Его из мертвых воскресение, и еже на небеса восхождение и одесную Тебе Бога и Отца седение, и еже второе славное и страшное Его пришествие, егда приидет со славою судити живыя и мертвыя, егда хощет коемуждо воздати по делом его: Пощади ны, Господи Боже (трижды), наипаче по благоутробию Своему, приносим Ти, Владыко, страшную сию и безкровную жертву, моляще да не по грехом нашим, ниже по беззаконием нашим воздаси нам, но по Твоему снисхождению и неизреченному Твоему человеколюбию презрев и изгладив еже о нас рукописание Тебе молящихся, подаси нам небесныя и вечныя Твоя дарования, ихже око не виде, и ухо не слыша, и на сердце человеческое не взыде, яже уготовал еси, Боже, любящим Тя Своея ради благости, и не ради грехов моих отринеши люди Твоя, человеколюбче Господи, да не возвращуся с ними смирен и посрамлен, (И поет с сослужащими во глас 5): Яко людие Твои и церкви Твоя молятся вси. Народ: (отвечает в тот же глас): Помилуй нас, Господи Боже, Отче Вседержителю. (Повторяется трижды) Предстоятель: Помилуй нас, Боже Вседержителю, помилуй нас Боже, Спасителю наш, помилуй нас Боже по велицей милости Твоей и ниспосли на ны и на предлежащия Святыя Дары сия Духа Твоего Всесвятаго, (молится, приклонив голову) Господа Животворящего, сопрестольного Тебе, Богу и Отцу и единородному Твоему Сыну, соцарственного, единосущнаго же и совечнаго, глаголавшего законом и пророки и новым Твоим заветом, сошедшаго в виде голубине на Господа нашего Иисуса Христа во Иордане реце и пребывающаго на Нем, сошедшаго на святыя Твоя апостолы в виде огненных язык в горнице святаго и славнаго Сиона в день святыя Пятидесятницы, сего Духа Твоего Всесвятаго ниспосли, Владыко, на ны и на предлежащия Святыя Дары сия, (приподняв голову, воглашает) да посетив святым и благим и славным Своим наитием, освятит и сотворит хлеб убо сей Тело святое Христово. (благословляет Святой Хлеб ?) Народ: Аминь. Предстоятель: И чашу сию Кровь Честную Христову. (благословляет Святую Чашу ?) Народ: Аминь. Предстоятель: Да будет всем иже от них причащающимся во оставление грехов и жизнь вечную. Народ: Аминь. Предстоятель: (знаменует святой дискос и святую чашу вместе ?) Яко да будет всем, иже от них причащающимся, во оставление, во оставление грехов и в жизнь вечную, во очищение душам и телом, во плодоношение благих дел, во утверждение святей Твоей соборней и апостольстей Церкви, юже основана камени веры, яко и двери адовы не одолеют Ея, избави Ю от всех ересей и соблазнов и делающих беззаконие, сохраняя Ее даже до скончания века. (знаменует дискос ? и чашу ? отдельно). Приносим Ти, Владыко, и о святех Твоих местех, ихже благословил еси богоявлением Христа Твоего и наитием Всесвятаго Твоего Духа, наипаче же о святем и славнем Сионе, матери всех церквей, и о еже по всей вселенней святей Твоей соборней и апостольстей Церкви, богатыя дары всесвятаго Твоего Духа и ныне подаждь ей, Владыко. Народ: Подай, Господи. (на 6-й глас). Предстоятель: Помяни, Господи, и иже в ней святыя отцы наши и братья наши, и епископы, иже во всей вселенней православно правящия слово Твоея истины. Народ: Помяни, Господи, Боже наш. (после каждого прошения) В первых помяни, Господи Боже наш, преподобнаго Отца нашего Святейшего Патриарха АЛЕКСИЯ, старость ему честную подаждь, многолетна его сохрани, пасуща люди Твоя во всяком благочестии и чистоте. Помяни, Господи, еже зде и повсюду честное пресвитерство, еже во Христе диаконство, прочее всякое служение, весь церковный чин и еже во Христе братство наше и вся христолюбивыя люди. Помяни, Господи, сопредстоящия нам пресвитеры, служащия во святый час сей пред святым Твоим жертвенником во еже приносити святую и безкровную Твою жертву и даждь им и нам слово во отверзение уст наших, во славу и похваление всесвятаго имени Твоего. Помяни, Господи, зде начальствующия, учащия и учащиеся. Помяни, Господи, по множеству милости Твоея, и мене смиренного, и грешнаго, и недостойнаго раба Твоего, и призри на мя милостию и щедротами, и избави и свободи от гонящих мя, Господи, Господи сил, и не вниди в суд с рабом Твоим, и понеже умножися во мне грех, да преизбыточествует Твоя благодать. Помяни, Господи, и святый Твой жертвенник окружающия диаконы, подаждь им жительство непорочно, чисто служение их сохрани, и степеней высших сподоби. Помяни, Господи, Богохранимую страну нашу Российскую, господина Президента, всю палату и воинство его, и еже с небесе помощь и победу. Коснися оружия, и защити, и возстани в помощь их, покори им вся враждебныя и варварския языки, утверди в православней вере. Устрой советы их вся, яко да мирное и тихое житие поживем во всяком благочестии и чистоте. Помяни, Господи, Богохранимый град наш, и стольный град Москву, и всякий град и страну, и в православной вере и благочестии живущия в них, мир и безмятежие их. Помяни, Господи, плавающих, путешествующих, странствующих христиан, и во узах и в темницех, и иже в пленении, и в заточении, и в рудах, и в муках, и в горьких работах сущих, отец и братий наших коегождо в дом его в мире возврати. Помяни, Господи, в старости и немощи сущия, болящия и страждущия, и от духов нечистых стужаемыя, яко да от Тебе, Бога получат скорое исцеление и спасение. Помяни, Господи, всякую душу христианскую, оскорбляемую и угнетаемую, милости и помощи от Тебе, Бога, требующую, и обращение заблудших. Помяни, Господи, иже в девстве и благоговении и постничестве пребывающия, и иже в горах и в пещерах и пропастех земных подвизаюшихся всех преподобных, отец и братий наших, иже по различным местом, православныя собранныя, и иже зде собрание наше. Помяни, Господи, труждающихся и служащих нам отцов же и братьев наших, ради имене Твоего святаго. Помяни, Господи, всех во благое, всех помилуй, Владыко, всех нас примири, умири множество людей Твоих, в благоверии соблюди, истреби соблазны, упраздни брани, умири разделения церковная, ересей восстания скоро разруши, низпровержи гордыню язык, вознеси рог христиан православных, Твой мир и Твою любовь даруй нам, Боже, Спасителю наш, упование всех концев земли. Помяни, Господи, благорастворение воздухов, дожди мирныя, росы благия, плодов изобилие, совершенное плодородие, и венец лета благости Твоея благослови, очи бо всех на Тя взирают, и Ты даеши пищу во благое время, отверзаеши Ты руку Твою, и исполняеши всяко животно благоволение. Помяни, Господи, плодоносившия и плодоносящия во святых Божиих церквах и поминающия нищия, вдовицы, сиры, странники и вся нуждающияся и заповедавшия нам, недостойным еже поминати их в молитвах. Еще помянути сподоби, Господи, и приношения сия принесшия в днешний день на святый Твой жертвенник, и нихже кийждо принесе, или в помышлении имать, и вмале Тебе прочтенныя. Помяни, Господи, и живыя родители наша, и братию, и други, и сродники. [(здесь же поминает Предстоятель живых, сколько и кого хочет по именам)] Помяни, Господи, и ихже помянухом, православныя: воздаждь им вместо земных небесныя, вместо тленных нетленная, вместо временных вечная, по обетованию Христа Твоего, понеже живота и смерти область имаши. Еще помянути сподоби, Владыко, и иже от века Тебе благоугодившия в род и род: святыя отцы, патриархи, пророки, апостолы, мученики, исповедники, учители, преподобныя, и всякий дух праведный в вере скончавшийся. Помяни, Господи, архангельский глас глаголющий: Радуйся, Благодатная, Господь с Тобою, благословенна Ты в женах и Благословен Плод чрева Твоего, яко Спаса родила еси душ наших. Изрядно Пресвятую и Преблагословенную, Пречистую Владычицу нашу Богородицу и Приснодеву Марию. (Диакон поминает усопших). [хор поет «Достойно есть» и «О Тебе радуется»] Святаго Иоанна славнаго пророка, предтечу и крестителя, святыя апостолы, святыя пророки и патриархи и праведныя, святыя мученики и исповедники. [Святых апостол Петра и Павла, Андрея, Иакова и Иоанна, Филиппа, Варфоломея и Фому, Матфия, Иакова и Симона, Иуду, Матфея, Марка и Луку, евангелистов. Святых пророк, патриарх и праведных. Святаго Стефана перводиакона, первомученика, святых мученик и исповедник, иже за Христа Бога умучившиеся и исповедавших доброе исповедание, святых младенец, избиенных от Ирода царя. Помяни, Господи, и святых мученик: Прокопия, Феодора, Кира, Иоанна и Георгия, Леонтия, Сергия и Вакха, Космы и Дамиана, Савиниана, Павла, Вавилу, Агафангела, Климента, Евстратия, и иже с ними мучившихся. Помяни, Господи, и святых мученик сорок, и сорок два, и шестьдесят и три, тридесять и три, святых мироносиц жен, и святую первомученицу Феклу, и святых жен-мучениц: Татиану, Февронию, Анастасию, Евфимию, Софию, Варвару, Иулианию, Ирину, Елпидию, Епистимию, Агафию, Марию, Екатерину. Помяни, Господи Боже, и святых отец наших, архиепископов иже во святых Иакова апостола, брата Божия и перваго архиепископа, и даже до Феофила и Никифора, Иоанна, Леонтия. Помяни, Господи, и святых отец наших учителей: Климента, Тимофея и Игнатия, Дионисия Ириния, Петра, Григория, Александра и Евстратия, Афанасия, Василия и Григория, и Иоанна, Амвросия, Амфилохия и Ливерия, Дамаса, Иоанна, Епифания, Феофила, Целестина, Августина, Кирилла, Леонтия, Прокла, Филика, Протаса, Ермиса. Евлогия, Ефрема, Анастасия, Феодора, Мартина, Агафона, Софрония. Помяни, Господи, всех святых преподобных отец: Антония, Пахомия, Макария, Пимена, Аркадия, Савву, Евфимия, Онуфрия, Пафнутия, Анастасия, Косьму и Иоанна. Помяни, Господи, святых отец избиенных от варвар в горе Синайстей и в Раифе и прочих преподобных отец наших, постников православных и всех святых. Не яко убо мы достойни есмы поминати их блаженство, но яко предстоящих страшному и трепетному престолу Твоему молящихся о нашем окаянстве. Помяни, Господи, и пресвитеры и диаконы и иподиаконы и чтецы, прислужники, и певцы, и иноки, и девы, и вдовицы, и сироты, и воздерженники, и иже во честнем браце пребывающих, и иже с верою во причастии святей Соборней Твоей Церкви скончавшихся. Помяни, Господи, и благочестивых и верных царей: Константина и Елену, Феодосия Великаго, Феодосия, Маркиана, Пульхерию, Леонтия, Юстиниана и Константина, и иже по сих благочестно и верно царствовавших, и всех, иже в вере и печати Христове прежде усопших христолюбивых редников. Помяни, Господи, и наших прежде усопшия родители и братию, и други, и сродники. (здесь Предстоятель поминает по именам усопших, их же желает помянуть) Сих всех помяни, Господи, Боже духов и всякия плоти, православныя, иже помянухом и непомянухом, со времени праведнаго Авеля, до днешняго дня сего. Сам их упокой, во стране живых, во Царствии Твоем, в рая наслаждении, в недрех Авраама и Исаака и Иакова, святых отец наших, отнюдуже отбеже болезнь, печаль и воздыхание, идеже присещает и зрится всегда свет лица Твоего. Скончание же живота нашего христианское и благоугодное, и безгрешное в мире исправи, Господи, и сподоби нас десныя части избранных Твоих получити, их же желаем, егда хощеши и якоже хощеши, едине токмо без стыда и прегрешений, ради Единородного Твоего Сына, Господа же и Бога и Спаса нашего Иисуса Христа, Той бо един безгрешен явися на земли. В первых помяни, Господи, Отца и Архиепископа нашего ВИКЕНТИЯ, егоже даруй святей Твоей церкви в мире цела, честна здрава и долгоденствующа, права правяща слово Твоея истины. Диакон: (обратившись лицом к народу:) О мире и благостоянии всего мира и святых Божиих церквей, и о них и за нихже кийждо принесе, или в помышлении имать, и о предстоящих людех, и о всех и за вся. Народ: И о всех и за вся. Предстоятель: Даждь им и нам, яко благий и человеколюбец, Владыко. Народ: (поет на глас 6-й) Ослаби, остави, Боже, прегрешения наша, вольныя же и невольныя, яже словом, яже делом, яже ведением и неведением, яже во дни и в нощи, яже во уме и помышлении, вся прости нам, яко Благ и Человеколюбец. Предстоятель: Благодатию, и щедротами, и человеколюбием Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков. Народ: Аминь. Предстоятель: Мир всем. Народ: И духови твоему. Диакон: Паки и паки, непрестанно миром Господу помолимся. - О принесенных и освященых, честных, пренебесных, неизреченных, пречистых, славных, страшных, ужасных божественных Дарех Господу Богу нашему помолимся. Народ: Господи, помилуй. (на каждое прошение). - Яко да человеколюбец Бог наш, приемь я во святый и пренебесный и мысленный Свой Жертвенник, возниспослет нам Божественную благодать и Дар всесвятого Духа, помолимся. - Соединения веры и причастие всесвятого и поклоняемого Его Духа испросивше, сами себе, и друг друга, и весь живот наш Христу Богу нашему предадим. Народ: Тебе, Господи. Предстоятель: Боже и Отче Господа и Бога и Спаса нашего Иисуса Христа, великоимените Господи, блаженное Естество, независтная Благостыне, всяческих Боже и Владыко, Сый благословенный во веки веков, седяй на Херувемех и прославляемый от Серафим, Емуже предстоят тысящи тысящь и тьмы тем ангел и архангел воинства, принесенные убо Тебе дары, даяния, приношения в воню благоухания приими, ихже освятити и совершити сподобил еси, Блаже, благодатию Христа Твоего и наитием Всесвятаго Твоего Духа. Освяти, Владыко, и наши души и телеса и дуси, и прикоснися помышлений, и испытай совести, и отвержи от нас всякое помышление лукавое, всякий помысл срамный, всякую страсть и похоть постыдную, всякое слово неподобное, всякую зависть, и суемудрие, и лицемерие, и всякую лжу, всякое лукавство, всякую леность, всякое искушение житейское, всякое любостяжание, всякое зло, всяку ярость, всякий гнев, всякое злопомнение, всякое оклеветание, всякое сребролюбие и нерадение, всякое движение злое плоти же и духа, чуждое святыни Твоея. И сподоби нас, Владыко человеколюбче Господи, со дерзновением неосужденно чистым сердцем, душею просвещенною, непостыдным лицем, освященными усты смети призывати Тебе, Иже на Небесех святаго Бога Отца, и глаголати: Народ: Отче наш, Иже еси на Небесех, да святится Имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь: и остави нам долги наша, якоже и мы оставляем должником нашым: и не введи нас во искушение, но избави нас от лукаваго. Предстоятель: И не введи нас во искушение, Владыко Господи, но избави нас от лукаваго и от дел его и от всякаго оскорбления и козни того, ради имени Твоего святаго, нареченного на нашем смирении. Яко Твое есть Царство и сила и слава, Отца и Сына и Святаго Духа, ныне и присно и во веки веков. Народ: Аминь. Предстоятель: Мир всем. Народ: И духови твоему. Диакон: Главы наша Господеви преклоним. Народ: Тебе, Господи. Предстоятель: Тебе приклонихом рабы Твои, Господи, своя выи пред святым Твоим жертвенником, чающие от Тебя богатыя милости: богатую и ныне благодать Твою и благословение Твое ниспосли нам, Владыко, и освяти наши души и телеса и дуси, яко да достойны будем причастницы и участницы святых Твоих Таин во оставление грехов и жизнь вечную.(благословляя дискос и чашу ?)Ты бо еси поклоняемый и препрославленный Бог наш, Ты и Единородный Твой Сын, и Дух Твой Всесвятый, ныне и присно и во веки веков. Народ: Аминь. Предстоятель: (на солее, воздев руки): И да будет благодать и милость святыя и единосущныя и несозданныя и нераздельныя и поклоняемыя Троицы со всеми вами. Народ: И со духом твоим. Диакон: (обращаясь к народу, подняв правую руку) Со страхом Божиим вонмем. Предстоятель (возносит святой Хлеб крайними перстами правой своей руки, держит его немного приподняв и негромко произносит молитву, в храме наступает молчание, и народ преклоняет главы): Святе и во святых почиваяй, Господи, освяти нас словом Твоея благодати и наитием всесвятаго Твоего Духа. Ты бо рекий, Владыко: святи будете якоже Аз Свят Есмь; Господи Боже наш, непостижиме Боже, Слове, Отцу и Духу единосущне, совечне, нераздельне, приими чистую песнь во святых Твоих безкровных жертвах с херувимы и серафимы и от меня грешнаго, вопиюща и глаголюща: (Возгласно): Святая святым. Народ: Един Свят, Един Господь, во славу Бога Отца со Святым Духом, Емуже слава во веки веков. Аминь. Диакон: О спасении и заступлении Святейшего Отца и Патриарха нашего АЛЕКСИЯ и Отца нашего архиепископа ВИКЕНТИЯ, и всякой души скорбящей и озлобленной, милости и помощи Божия требующей, и о обращении заблудших, исцелении болящих, освобождении плененных, упокоении преждепочивших отец же и братий, вси усердно рцем: Господи, помилуй. Народ: Господи, помилуй (12 раз). Пока Диакон говорит эти прошения, Предстоятель преломляет святой Хлеб, который держит обеими руками, на две части, сначала ознаменовав его. Часть, которую держит в левой руке, кладёт снова на дискос. Ту же, которую держит в правой руке, снова преломляет надвое, то есть держа часть с печатью ХС в правой руке, часть с печатью КА левой рукой кладёт на дискос, и переложив часть ХС в левую - правой рукой снова знаменует ее, а затем правой рукой помещает её в святой потир, говоря: Предстоятель: Соединение всесвятого Тела и драгоценныя Крови Господа и Бога и Спаса нашего Иисуса Христа. После раздробления разделяет в каждую чашу по частице, говоря: Предстоятель:Соединися, освятися и совершися, во имя Отца, и Сына, и Святого Духа, ныне и присно, и во веки веков. Также преломляет надвое часть с печатями ИС и НИ, которая была сначала в левой руке, говоря: Предстоятель: Се Агнец Божий, Сын Отчий, вземляй грех мира, закланный за живот мира и спасение. Также раздробляет руками части ИС, НИ и КА так, чтобы хватило всем хотящим причаститься Предстоятель: Часть святая Христова, исполнена благодати и истины, Отца и Святаго Духа, емуже слава и держава во веки веков. (Далее можно читать Пс 22, 33, 144 и 116) Когда народ закончит петь "Господи, помилуй", а Предстоятель раздробит Св. Дары, Диакон, повернувшись лицом к востоку, говорит: Диакон: Господи, благослови! Предстоятель (воздев руки): Господь да благословит нас и да сохранит нас неосужденными при причащении пречистых Даров Его, ныне и присно, и во веки веков. Народ: Аминь. Диакон: (также): Господи, благослови! Предстоятель (обычно): Господь да благословит и да удостоит ны чистыми клещами перстов взять горящий уголь и вложить в уста верных, во очищение и обновление душ их и тел, ныне и всегда, и во веки веков. Народ: Аминь. Предстоятель (глядя на народ через святые двери возглашает): Вкусите и видите, яко Христос Господь, разделяемый и неразделимый, и верным раздаваемый, и неиждиваемый, в прощение грехов и жизнь вечную, ныне и присно, и во веки веков. Диакон: В мире Христове воспоим! Диакон входит в алтарь малыми дверями и становится около престола. Царские врата и завеса затворяются. Народ: Вкусите и видите, яко благ Господь. Аллилуия. Предстоятель (произносит молитву, так чтобы слова ее были слышны находящимся в алтаре служителям и пресвитерам): Владыко Христе Боже наш, небесный хлеб, пище всего мира, согреших на небо и пред Тобою, и несть достоин причаститися святых и пречистых Твоих Таин, но ради благости Твоея и неизреченного долготерпения достойна мя сотвори и неосужденна непостыдна, причаститися Всесвятаго Тела и Честныя Крове во оставление грехов и жизнь вечную. Причащение священнослужителей Святых Таин Христовых. Предстоятель причащается святого Тела, говоря в себе: Тело Христово, затем причащает Диакона, произнося: Тело Христово, Диакон отвечает: Аминь. Когда же Предстоятель причастит Диакона, то берёт святой потир с платом, как обычно, и причащается по обычаю, говоря: Кровь Христова, чаша Жизни, причащает Диакона: Кровь Христова, чаша Жизни. Причащающийся Диакон отвечает: Аминь. Так проходит причащение. И Предстоятель и Диаконы принимают теплоту и промывают уста свои по обычаю, и лишь один Диакон, хотящий потреблять Святыню, не принимает теплоты. Когда же совершится во всём алтаре причащение и придёт время причащения мирян, Диакон, став справа от престола, говорит: Диакон: Господи, благослови! Предстоятель даёт чашу Диакону, говоря: Предстоятель: Слава Богу, освятившему и освящающему всех нас! Диакон, принимая от предстоятеля святую чашу: Диакон: Вознесися на небеса, Боже, и по всей земли слава Твоя, и царство Твое пребывает во веки веков. Предстоятель: Благословенно имя Господа Бога нашего во веки веков. Также Предстоятель берёт дискос со святым Хлебом, и Диакон выходит с чашей в святые двери и, показывая чашу народу, возглашает: Диакон: Со страхом Божиим, и верою, и любовию приступите! Народ: Благословен Грядый во имя Господне. Диакон встаёт лицом к народу у иконы Пресвятой Богородицы, а Предстоятель с дискосом встаёт в святых дверях. И причащающиеся миряне подходят со смирением к Предстоятелю, и тот, держа в левой руке дискос со святым Хлебом, говорит: Тело Христово. И приходящий отвечает: Аминь. Предстоятель вкладывает частицу святого Хлеба в уста ему, и тот съедает её и подходит к Диакону, который говорит: Кровь Христова, чаша Жизни. Приходящий отвечает: Аминь. И Диакон даёт ему немного испить из чаши. Так причащается народ. По окончании причащения: Диакон: Господи, благослови. Предстоятель (благословляя дискосом народ): Спаси, Боже, люди Твоя, и благослови достояние Твое. Слава Богу, освятившему всех нас. Предстоятель и Диакон входят в алтарь и ставят Святыню на святом престоле: Предстоятель - дискос, а Диакон - святой потир. Предстоятель (при поставлении чаши на св. престол): Буди имя Господне благословенно от ныне и до века. Предстоятель помещает части святого Хлеба в чашу и отирает, по обычаю, святой дискос губкой и, взяв кадильницу, кадит Святыню, произнося молитву фимиама. Диакон и народ: Да исполнятся уста наша хваления твоего, Господи, яко да воспоем славу твою, весь день великолепие Твое. Народ: Благодарим Тя Христе Боже наш, яко сподобил еси нас причаститися Тела и Крове Твоея во оставление грехов и жизнь вечную, неосужденны ны сохрани, молимся, яко Благ и Человеколюбец. Благодарственная молитва фимиама при последнем входе Предстоятель (кадя Святые Дары): Возвеселил еси ны, Боже, в единении Твоем, и Тебе приносим песнь благодарственную, плод устен, исповедающе благодать Твою, с кадилом сим да взыдет к Тебе, Боже, да не возвратится тщи, но подаждь нам его ради благоухание всесвятаго Твоего Духа, миро пречистое и неотъемлемое, исполни уста наши хваления, и устне радования, и сердце радости и веселия, во Христе Иисусе Господе нашем, с Нимже благословен еси, со Всесвятым Твоим Духом, ныне и присно и во веки веков. Народ: Аминь. Предстоятель относит, ничего не говоря, Святыню с престола на жертвенник: дьякон относит дискос, без каждения; Предстоятель складывает антиминс. А дьякон, выходя через северные двери, при входе на солею произносит славословие, обратясь к алтарю: Диакон: Слава Тебе, слава Тебе, слава Тебе, Царю Христе, единородне Сыне Отчий, яко удостоил еси нас, грешных и недостойных раб Твоих, насладитися пречистыми Твоими Таинствы, прощения грехов ради и Жизни вечныя, слава Тебе! Диакон, обратившись лицом к народу, произносит прошения: Диакон: Паки и паки, и непрестанно Господу помолимся. - Яко да будет нам причащение святынь Его во отвращение всякаго лукаваго деяния, в напутие живота вечного, в причащение и дар Святаго Духа помолимся. - Пресвятую, пречистую, преславную, благословенную Владычицу нашу Богородицу и Приснодеву Марию со всеми святыми и праведными помянувше, сами себе, и друг друга, и весь живот наш Христу Богу предадим Народ: Тебе, Господи. Предстоятель (пред святым престолом): Боже, великаго ради и неизреченного благоутробия снисшедый немощи рабов Твоих исцелити, и сподобивый нас причаститися сея пренебесныя трапезы, не осуди нас, Владыко, грешных о причащении пречистых Твоих Таин, но сохрани ны, Блаже, во освящении, яко да достойны бывше всесвятаго Твоего Духа, обрящем часть и наследие со всеми святыми, еже от века Тебе благоугодившими, во свете лица Твоего, щедротами Единородного Твоего Сына, с Нимже благословен еси, со всесвятым и благим, и животворящим Твоим Духом, ныне и присно и во веки веков. Народ: Аминь. Предстоятель: Мир всем! Народ: И духови твоему. Диакон: Главы наша Господеви приклоним. Молитва главопреклонная. Предстоятель: Боже великий и дивный, призри на рабы Твоя, яко Тебе преклонихом выи, и простри руку Твою державную, исполнену благословений, и благослови люди Твоя, и сохрани достояние Твое, яко да всегда и непрестанно прославляем Тя, единаго живаго и истиннаго Бога нашего, Святую и Единосущную Троицу, Отца и Сына и Святаго Духа. Тебе бо подобает и долженствует от всех нас всякое славословие, честь, поклонение и благодарение, Отцу и Сыну и Святому Духу, ныне и присно, и во веки веков. Народ: Аминь. Диакон: В мире Христове воспоим! С миром Христовым изыдем! Народ: Во имя Господне. Господи, благослови! Диакон: (молитва отпустителъная от диакона, к востоку). От славы в славу простираяся, воспеваем Тя, Спаса душ наших! Слава Отцу, и Сыну, и Святому Духу, ныне и присно, и во веки! Воспеваем Тя, Спаса душ наших! Предстоятель, выйдя через святые двери из алтаря и став среди народа, произносит эту молитву, глядя на восток: Молитва заамвонная, или от престола до сосудохранилища Предстоятель: От силы в силу восходяще, и всю еже в храме Твоем исполнив божественную службу, и ныне молимся Тебе, Господи Боже наш: совершенного человеколюбия сподоби нас, исправи путь наш, укорени нас в страсе Твоем, всех помилуй и пренебесного Твоего Царствия достойны покажи, во Христе Иисусе Господе нашем, с нимже подобает Тебе слава, честь, держава, вкупе со всесвятым Духом, ныне и присно, и во веки веков. Народ: Аминь. Диакон: Отпущаетесь в мире. В мире Христовом да сохранимся! Предстоятель: Благословен Бог, благословляяй и освящаяй нас причащением Святых и Пречистых Его Таин, ныне и присно и во веки веков. Народ: Аминь. |
