 |
Семинарская и святоотеческая библиотеки |
|
|
ПЕСНОПЕНИЯ ДЛЯ ХОРА при освящении храма АРХИЕРЕЕМ
1. Последование малого освящения воды (см. Требник). 2. При положении доски на престол. Псалом 144. 3. При утверждении трапезы. Псалом 22. 4. При омовении престола. Псалом 83. 5. При помазании святым Миром. Псалом 132. 6. При одевании срачицы. Псалом 131. 7. При одевании индитии. Псалом 92. 8. При каждении и окроплении всего храма. Псалом 25. 9. На крестном ходе тропари: Глас 4: ИЖЕ ВО ВСЕМ МИРЕ МУЧЕНИК ТВОИХ Слава, и ныне: глас 8: ЯКО НАЧАТКИ ЕСТЕСТВА НАСАДИТЕЛЮ ТВАРИ Глас 3: ИЖЕ НА КАМЕНИ ВЕРЫ Ирмос, глас 3: УТВЕРЖДЕНИЕ НА ТЯ НАДЕЮЩИХСЯ Ирмос, глас 8: НЕБЕСНАГО КРУГА ВЕРХОТВОРЧЕ ГОСПОДИ Ирмос, глас 2: ВОДРУЗИВЫЙ НА НИЧЕСОМЖЕ ЗЕМЛЮ Глас 7: СВЯТИИ МУЧЕНИЦЫ СЛАВА ТЕБЕ, ХРИСТЕ БОЖЕ 10. "КТО ЕСТЬ СЕЙ ЦАРЬ СЛАВЫ?" 11. "ГОСПОДЬ СИЛ, ТОЙ ЕСТЬ ЦАРЬ СЛАВЫ." 12. Тропарь, глас 4: ЯКОЖЕ ВЫШНИЯ ТВЕРДИ БЛАГОЛЕПИЕ 13. Тропари, глас 2: ПРЕЧИСТОМУ ТВОЕМУ ОБРАЗУ Глас 2: АПОСТОЛИ, ПРОРОЦЫ, СВЯТИТЕЛИЕ Глас 1: ЛЮБОВИЮ, ЧИСТАЯ ДЕВО
ПЕСНОПЕНИЯ ДЛЯ ХОРА при освящении храма АРХИЕРЕЕМ 1. Последование малого освящения воды (см. Требник). 2. При положении доски на престол. Псалом 144 (Малый знаменный распев). 1. ВОЗНЕСУ ТЯ, БОЖЕ МОЙ, ЦАРЮ МОЙ,/ И БЛАГОСЛОВЛЮ ИМЯ ТВОЕ В ВЕК И В ВЕК ВЕКА.// 2. НА ВСЯК ДЕНЬ БЛАГОСЛОВЛЮ ТЯ/ И ВОСХВАЛЮ ИМЯ ТВОЕ В ВЕК И В ВЕК ВЕКА.// 3. ВЕЛИЙ ГОСПОДЬ И ХВАЛЕН ЗЕЛО,/ И ВЕЛИЧИЮ ЕГО НЕСТЬ КОНЦА.// 4. РОД И РОД ВОСХВАЛЯТ ДЕЛА ТВОЯ/ И СИЛУ ТВОЮ ВОЗВЕСТЯТ.// 5. ВЕЛИКОЛЕПИЕ СЛАВЫ СВЯТЫНИ ТВОЕЯ ВОЗГЛАГОЛЮТ/ И ЧУДЕСА ТВОЯ ПОВЕДЯТ.// 6. И СИЛУ СТРАШНЫХ ТВОИХ РЕКУТ/ И ВЕЛИЧИЕ ТВОЕ ПОВЕДЯТ.// 7. ПАМЯТЬ МНОЖЕСТВА БЛАГОСТИ ТВОЕЯ ОТРЫГНУТ/ И ПРАВДОЮ ТВОЕЮ ВОЗРАДУЮТСЯ.// 8. ЩЕДР И МИЛОСТИВ ГОСПОДЬ,/ ДОЛГОТЕРПЕЛИВ И МНОГОМИЛОСТИВ.// 9. БЛАГ ГОСПОДЬ ВСЯЧЕСКИМ,/ И ЩЕДРОТЫ ЕГО НА ВСЕХ ДЕЛЕХ ЕГО.// 10. ДА ИСПОВЕДЯТСЯ ТЕБЕ, ГОСПОДИ, ВСЯ ДЕЛА ТВОЯ,/ И ПРЕПОДОБНИИ ТВОИ ДА БЛАГОСЛОВЯТ ТЯ.// 11. СЛАВУ ЦАРСТВИЯ ТВОЕГО РЕКУТ,/ И СИЛУ ТВОЮ ВОЗГЛАГОЛЮТ,// 12. СКАЗАТИ СЫНОВОМ ЧЕЛОВЕЧЕСКИМ СИЛУ ТВОЮ,/ И СЛАВУ ВЕЛИКОЛЕПИЯ ЦАРСТВИЯ ТВОЕГО.// 13. ЦАРСТВО ТВОЕ ЦАРСТВО ВСЕХ ВЕКОВ,/ И ВЛАДЫЧЕСТВО ТВОЕ ВО ВСЯКОМ РОДЕ И РОДЕ.// 14. ВЕРЕН ГОСПОДЬ ВО ВСЕХ СЛОВЕСЕХ СВОИХ/ И ПРЕПОДОБЕН ВО ВСЕХ ДЕЛЕХ СВОИХ.// 15. УТВЕРЖДАЕТ ГОСПОДЬ ВСЯ НИЗПАДАЮЩЫЯ/ И ВОЗСТАВЛЯЕТ ВСЯ НИЗВЕРЖЕННЫЯ.// 16. ОЧИ ВСЕХ НА ТЯ УПОВАЮТ,/ И ТЫ ДАЕШИ ИМ ПИЩУ ВО БЛАГОВРЕМЕНИИ.// 17. ОТВЕРЗАЕШИ ТЫ РУКУ ТВОЮ/ И ИСПОЛНЯЕШИ ВСЯКОЕ ЖИВОТНО БЛАГОВОЛЕНИЯ.// 18. ПРАВЕДЕН ГОСПОДЬ ВО ВСЕХ ПУТЕХ СВОИХ/ И ПРЕПОДОБЕН ВО ВСЕХ ДЕЛЕХ СВОИХ.// 19. БЛИЗ ГОСПОДЬ ВСЕМ ПРИЗЫВАЮЩИМ ЕГО,/ ВСЕМ ПРИЗЫВАЮЩИМ ЕГО ВО ИСТИНЕ.// 20. ВОЛЮ БОЯЩИХСЯ ЕГО СОТВОРИТ/ И МОЛИТВУ ИХ УСЛЫШИТ И СПАСЕТ Я.// 21. ХРАНИТ ГОСПОДЬ ВСЯ ЛЮБЯЩЫЯ ЕГО/ И ВСЯ ГРЕШНИКИ ПОТРЕБИТ.// 22. ХВАЛУ ГОСПОДНЮ ВОЗГЛАГОЛЮТ УСТА МОЯ,/ И ДА БЛАГОСЛОВИТ ВСЯКА ПЛОТЬ ИМЯ СВЯТОЕ ЕГО В ВЕК И В ВЕК ВЕКА.// 3. При утверждении трапезы. Псалом 22 (муз. П.П.Мироносицкого). 1. ГОСПОДЬ ПАСЕТ МЯ, И НИЧТОЖЕ МЯ ЛИШИТ. 2. НА МЕСТЕ ЗЛАЧНЕ, ТАМО ВСЕЛИ МЯ, НА ВОДЕ ПОКОЙНЕ ВОСПИТА МЯ. 3. ДУШУ МОЮ ОБРАТИ, НАСТАВИ МЯ НА СТЕЗИ ПРАВДЫ ИМЕНЕ РАДИ СВОЕГО. 4. АЩЕ БО И ПОЙДУ ПОСРЕДЕ СЕНИ СМЕРТНЫЯ, НЕ УБОЮСЯ ЗЛА, ЯКО ТЫ СО МНОЮ ЕСИ, ЖЕЗЛ ТВОЙ И ПАЛИЦА ТВОЯ ТА МЯ УТЕШИСТА. 5. УГОТОВАЛ ЕСИ ПРЕДО МНОЮ ТРАПЕЗУ СОПРОТИВ СТУЖАЮЩИМ МНЕ, УМАСТИЛ ЕСИ ЕЛЕОМ ГЛАВУ МОЮ, И ЧАША ТВОЯ УПОЯВАЮЩИ МЯ, ЯКО ДЕРЖАВНА. 6. И МИЛОСТЬ ТВОЯ ПОЖЕНЕТ МЯ ВСЯ ДНИ ЖИВОТА МОЕГО, И ЕЖЕ ВСЕЛИТИ МИ СЯ В ДОМ ГОСПОДЕНЬ, В ДОЛГОТУ ДНИЙ. 4. При омовении престола. Псалом 83 (глас 2, Зосимовой пустыни). 1. КОЛЬ ВОЗЛЮБЛЕННА СЕЛЕНИЯ ТВОЯ, ГОСПОДИ СИЛ!/ ЖЕЛАЕТ И СКОНЧАВАЕТСЯ ДУША МОЯ ВО ДВОРЫ ГОСПОДНИ,/ СЕРДЦЕ МОЕ И ПЛОТЬ МОЯ ВОЗРАДОВАСТАСЯ О БОЗЕ ЖИВЕ./ ИБО ПТИЦА ОБРЕТЕ СЕБЕ ХРАМИНУ,/ И ГОРЛИЦА ГНЕЗДО СЕБЕ,/ ИДЕЖЕ ПОЛОЖИТ ПТЕНЦЫ СВОЯ:/ ОЛТАРИ ТВОЯ, ГОСПОДИ СИЛ,/ ЦАРЮ МОЙ, И БОЖЕ МОЙ.// 2. БЛАЖЕНИ ЖИВУЩИИ В ДОМУ ТВОЕМ,/ В ВЕКИ ВЕКОВ ВОСХВАЛЯТ ТЯ./ БЛАЖЕН МУЖ, ЕМУЖЕ ЕСТЬ ЗАСТУПЛЕНИЕ ЕГО У ТЕБЕ,/ ВОСХОЖДЕНИЯ В СЕРДЦЕ СВОЕМ ПОЛОЖИ,/ ВО ЮДОЛЬ ПЛАЧЕВНУЮ, В МЕСТО ЕЖЕ ПОЛОЖИ,/ ИБО БЛАГОСЛОВЕНИЕ ДАСТ ЗАКОНОПОЛАГАЯЙ.// 3. ПОЙДУТ ОТ СИЛЫ В СИЛУ:/ ЯВИТСЯ БОГ БОГОВ В СИОНЕ./ ГОСПОДИ БОЖЕ СИЛ,/ УСЛЫШИ МОЛИТВУ МОЮ,/ ВНУШИ, БОЖЕ ИАКОВЛЬ./ ЗАЩИТНИЧЕ НАШ, ВИЖДЬ, БОЖЕ,/ И ПРИЗРИ НА ЛИЦЕ ХРИСТА ТВОЕГО.// 4. ЯКО ЛУЧШЕ ДЕНЬ ЕДИН ВО ДВОРЕХ ТВОИХ ПАЧЕ ТЫСЯЩЬ,/ ИЗВОЛИХ ПРИМЕТАТИСЯ В ДОМУ БОГА МОЕГО ПАЧЕ,/ НЕЖЕ ЖИТИ МИ В СЕЛЕНИИХ ГРЕШНИЧИХ./ ЯКО МИЛОСТЬ И ИСТИНУ ЛЮБИТ ГОСПОДЬ/ БОГ, БЛАГОДАТЬ И СЛАВУ ДАСТ:/ ГОСПОДЬ НЕ ЛИШИТ БЛАГИХ, ХОДЯЩИХ НЕЗЛОБИЕМ./ ГОСПОДИ БОЖЕ СИЛ, БЛАЖЕН ЧЕЛОВЕК УПОВАЯЙ НА ТЯ.// 5. При помазании святым Миром. Псалом 132 (глас 3, Триодный). 1. СЕ ЧТО ДОБРО, ИЛИ ЧТО КРАСНО,/ НО ЕЖЕ ЖИТИ БРАТИИ ВКУПЕ;// 2. ЯКО МИРО НА ГЛАВЕ, СХОДЯЩЕЕ НА БРАДУ, БРАДУ ААРОНЮ,/ СХОДЯЩЕЕ НА ОМЕТЫ ОДЕЖДЫ ЕГО:// 3. ЯКО РОСА АЕРМОНСКАЯ,/ СХОДЯЩАЯ НА ГОРЫ СИОНСКИЯ,/ ЯКО ТАМО ЗАПОВЕДА ГОСПОДЬ/ БЛАГОСЛОВЕНИЕ И ЖИВОТ ДО ВЕКА.// 6. При одевании срачицы. Псалом 131 (глас 1, Тропарный). 1. ПОМЯНИ, ГОСПОДИ, ДАВИДА И ВСЮ КРОТОСТЬ ЕГО:/ ЯКО КЛЯТСЯ ГОСПОДЕВИ, ОБЕЩАСЯ БОГУ ИАКОВЛЮ:// 2. АЩЕ ВНИДУ В СЕЛЕНИЕ ДОМУ МОЕГО,/ ИЛИ ВЗЫДУ НА ОДР ПОСТЕЛИ МОЕЯ,// 3. АЩЕ ДАМ СОН ОЧИМА МОИМА И ВЕЖДОМА МОИМА ДРЕМАНИЕ,/ И ПОКОЙ СКРАНИАМА МОИМА,// 4. ДОНДЕЖЕ ОБРЯЩУ МЕСТО ГОСПОДЕВИ,/ СЕЛЕНИЕ БОГУ ИАКОВЛЮ.// 5. СЕ СЛЫШАХОМ Я ВО ЕВФРАФЕ,/ ОБРЕТОХОМ Я В ПОЛЯХ ДУБРАВЫ.// 6. ВНИДЕМ В СЕЛЕНИЯ ЕГО,/ ПОКЛОНИМСЯ НА МЕСТО, ИДЕЖЕ СТОЯСТЕ НОЗЕ ЕГО.// 7. ВОСКРЕСНИ, ГОСПОДИ, В ПОКОЙ ТВОЙ,/ ТЫ И КИВОТ СВЯТЫНИ ТВОЕЯ.// 8. СВЯЩЕННИЦЫ ТВОИ ОБЛЕКУТСЯ ПРАВДОЮ,/ И ПРЕПОДОБНИИ ТВОИ ВОЗРАДУЮТСЯ.// 9. ДАВИДА РАДИ РАБА ТВОЕГО/ НЕ ОТВРАТИ ЛИЦЕ ПОМАЗАННАГО ТВОЕГО.// 10. КЛЯТСЯ ГОСПОДЬ ДАВИДУ ИСТИНОЮ/ И НЕ ОТВЕРЖЕТСЯ ЕЯ:/ ОТ ПЛОДА ЧРЕВА ТВОЕГО/ ПОСАЖДУ НА ПРЕСТОЛЕ ТВОЕМ.// 11. АЩЕ СОХРАНЯТ СЫНОВЕ ТВОИ ЗАВЕТ МОЙ,/ И СВИДЕНИЯ МОЯ СИЯ,/ ИМЖЕ НАУЧУ Я,/ И СЫНОВЕ ИХ ДО ВЕКА СЯДУТ НА ПРЕСТОЛЕ ТВОЕМ.// 12. ЯКО ИЗБРА ГОСПОДЬ СИОНА,/ ИЗВОЛИ И В ЖИЛИЩЕ СЕБЕ.// 13. СЕ ПОКОЙ МОЙ ВО ВЕК ВЕКА,/ ЗДЕ ВСЕЛЮСЯ, ЯКО ИЗВОЛИХ И.// 14. ЛОВИТВУ ЕГО БЛАГОСЛОВЛЯЯЙ БЛАГОСЛОВЛЮ,/ НИЩЫЯ ЕГО НАСЫЩУ ХЛЕБЫ,// 15. СВЯЩЕННИКИ ЕГО ОБЛЕКУ ВО СПАСЕНИЕ/ И ПРЕПОДОБНИИ ЕГО РАДОСТИЮ ВОЗРАДУЮТСЯ.// 16. ТАМО ВОЗРАЩУ РОГ ДАВИДОВИ,/ УГОТОВАХ СВЕТИЛЬНИК ПОМАЗАННОМУ МОЕМУ.// 17. ВРАГИ ЕГО ОБЛЕКУ СТУДОМ,/ НА НЕМЖЕ ПРОЦВЕТЕТ СВЯТЫНЯ МОЯ.// 7. При одевании индитии. Псалом 92 (глас 6, Болгарский распев). 1. ГОСПОДЬ ВОЦАРИСЯ, В ЛЕПОТУ ОБЛЕЧЕСЯ,/ ОБЛЕЧЕСЯ ГОСПОДЬ В СИЛУ И ПРЕПОЯСАСЯ,// 2. ИБО УТВЕРДИ ВСЕЛЕННУЮ,/ ЯЖЕ НЕ ПОДВИЖИТСЯ.// 3. ГОТОВ ПРЕСТОЛ ТВОЙ ОТТОЛЕ,/ ОТ ВЕКА ТЫ ЕСИ.// 4. ВОЗДВИГОША РЕКИ, ГОСПОДИ,/ ВОЗДВИГОША РЕКИ ГЛАСЫ СВОЯ.// 5. ВОЗМУТ РЕКИ СОТРЕНИЯ СВОЯ,/ ОТ ГЛАСОВ ВОД МНОГИХ.// 6. ДИВНЫ ВЫСОТЫ МОРСКИЯ,/ ДИВЕН В ВЫСОКИХ ГОСПОДЬ.// 7. СВИДЕНИЯ ТВОЯ УВЕРИШАСЯ ЗЕЛО./ ДОМУ ТВОЕМУ ПОДОБАЕТ СВЯТЫНЯ, ГОСПОДИ, В ДОЛГОТУ ДНИЙ.// 8. При каждении и окроплении всего храма. Псалом 25 (Малый знаменный распев). 1. СУДИ МИ, ГОСПОДИ, ЯКО АЗ НЕЗЛОБОЮ МОЕЮ ХОДИХ,/ И НА ГОСПОДА УПОВАЯ, НЕ ИЗНЕМОГУ.// 2. ИСКУСИ МЯ, ГОСПОДИ, И ИСПЫТАЙ МЯ,/ РАЗЖЗИ УТРОБЫ МОЯ, И СЕРДЦЕ МОЕ.// 3. ЯКО МИЛОСТЬ ТВОЯ ПРЕД ОЧИМА МОИМА ЕСТЬ,/ И БЛАГОУГОДИХ ВО ИСТИНЕ ТВОЕЙ.// 4. НЕ СЕДОХ С СОНМОМ СУЕТНЫМ,/ И СО ЗАКОНОПРЕСТУПНЫМИ НЕ ВНИДУ.// 5. ВОЗНЕНАВИДЕХ ЦЕРКОВЬ ЛУКАВНУЮЩИХ,/ И С НЕЧЕСТИВЫМИ НЕ СЯДУ.// 6. УМЫЮ В НЕПОВИННЫХ РУЦЕ МОИ,/ И ОБЫДУ ЖЕРТВЕННИК ТВОЙ, ГОСПОДИ.// 7. ЕЖЕ УСЛЫШАТИ МИ ГЛАС ХВАЛЫ ТВОЕЯ,/ И ПОВЕДАТИ ВСЯ ЧУДЕСА ТВОЯ.// 8. ГОСПОДИ, ВОЗЛЮБИХ БЛАГОЛЕПИЕ ДОМУ ТВОЕГО/ И МЕСТО СЕЛЕНИЯ СЛАВЫ ТВОЕЯ.// 9. ДА НЕ ПОГУБИШИ С НЕЧЕСТИВЫМИ ДУШУ МОЮ,/ И С МУЖИ КРОВЕЙ ЖИВОТ МОЙ.// 10. ИХЖЕ В РУКУ БЕЗЗАКОНИЯ,/ ДЕСНИЦА ИХ ИСПОЛНИСЯ МЗДЫ.// 11. АЗ ЖЕ НЕЗЛОБОЮ МОЕЮ ХОДИХ,/ ИЗБАВИ МЯ, ГОСПОДИ, И ПОМИЛУЙ МЯ.// 12. НОГА МОЯ СТА НА ПРАВОТЕ:/ В ЦЕРКВАХ БЛАГОСЛОВЛЮ ТЯ, ГОСПОДИ.// 9. На крестном ходе тропари: 1. Глас 4: ИЖЕ ВО ВСЕМ МИРЕ МУЧЕНИК ТВОИХ,/ ЯКО БАГРЯНИЦЕЮ И ВИССОМ,/ КРОВМИ ЦЕРКОВЬ ТВОЯ УКРАСИВШИСЯ,/ ТЕМИ ВОПИЕТ ТИ, ХРИСТЕ БОЖЕ:/ ЛЮДЕМ ТВОИМ ЩЕДРОТЫ ТВОЯ НИСПОСЛИ,/ МИР ЖИТЕЛЬСТВУ ТВОЕМУ ДАРУЙ,/ И ДУШАМ НАШИМ ВЕЛИЮ МИЛОСТЬ.// 2. Слава, и ныне: глас 8: ЯКО НАЧАТКИ ЕСТЕСТВА НАСАДИТЕЛЮ ТВАРИ,/ ВСЕЛЕННАЯ ПРИНОСИТ ТИ, ГОСПОДИ, БОГОНОСНЫЯ МУЧЕНИКИ:/ ТЕХ МОЛИТВАМИ В МИРЕ ГЛУБОЦЕ/ ЦЕРКОВЬ ТВОЮ, ЖИТЕЛЬСТВО ТВОЕ, БОГОРОДИЦЕЮ СОБЛЮДИ МНОГОМИЛОСТИВЕ.// 3. Глас 3: ИЖЕ НА КАМЕНИ ВЕРЫ/ СОЗДАВЫЙ ЦЕРКОВЬ ТВОЮ, БЛАЖЕ,/ В ТОЙ ИСПРАВИ МОЛЕНИЯ НАША,/ И ПРИИМИ ЛЮДИ В ВЕРЕ ВОПИЮЩИЯ ТЕБЕ:/ СПАСИ НЫ, БОЖЕ НАШ, СПАСИ НЫ. 4. Ирмос, глас 3: УТВЕРЖДЕНИЕ НА ТЯ НАДЕЮЩИХСЯ,/ УТВЕРДИ, ГОСПОДИ, ЦЕРКОВЬ,/ ЮЖЕ СТЯЖАЛ ЕСИ, ЧЕСТНОЮ ТВОЕЮ КРОВИЮ. 5. Ирмос, глас 8: НЕБЕСНАГО КРУГА ВЕРХОТВОРЧЕ ГОСПОДИ,/ И ЦЕРКВЕ ЗИЖДИТЕЛЮ,/ ТЫ МЕНЕ УТВЕРДИ В ЛЮБВИ ТВОЕЙ,/ ЖЕЛАНИЙ КРАЮ, ВЕРНЫХ УТВЕРЖДЕНИЕ,/ ЕДИНЕ ЧЕЛОВЕКОЛЮБЧЕ. 6. Ирмос, глас 2: 1 ВОДРУЗИВЫЙ НА НИЧЕСОМЖЕ ЗЕМЛЮ ПОВЕЛЕНИЕМ ТВОИМ,/ 2 И ПОВЕСИВЫЙ НЕОДЕРЖИМО ТЯГОТЕЮЩУЮ,/ 3 НА НЕДВИЖИМЕМ, ХРИСТЕ, КАМЕНИ, ЗАПОВЕДЕЙ ТВОИХ,/ ЦЕРКОВЬ ТВОЮ УТВЕРДИ, ЕДИНЕ БЛАЖЕ И ЧЕЛОВЕКОЛЮБЧЕ. 7. Глас 7: СВЯТИИ МУЧЕНИЦЫ,/ ИЖЕ ДОБРЕ СТРАДАВШЕ И ВЕНЧАВШЕСЯ,/ МОЛИТЕСЯ КО ГОСПОДУ,/ СПАСТИСЯ ДУШАМ НАШЫМ. (дважды) 8. СЛАВА ТЕБЕ, ХРИСТЕ БОЖЕ,/ АПОСТОЛОВ ПОХВАЛО,/ И МУЧЕНИКОВ ВЕСЕЛИЕ,/ ИХЖЕ ПРОПОВЕДЬ ТРОИЦА ЕДИНОСУЩНАЯ. (единожды) 10. "КТО ЕСТЬ СЕЙ ЦАРЬ СЛАВЫ?" 11. "ГОСПОДЬ СИЛ, ТОЙ ЕСТЬ ЦАРЬ СЛАВЫ." 12. Тропарь, глас 4: ЯКОЖЕ ВЫШНИЯ ТВЕРДИ БЛАГОЛЕПИЕ,/ И НИЖНЮЮ СПОКАЗАЛ ЕСИ КРАСОТУ СВЯТАГО СЕЛЕНИЯ СЛАВЫ ТВОЕЯ, ГОСПОДИ:/ УТВЕРДИ СИЕ ВО ВЕК ВЕКА,/ И ПРИИМИ НАША В НЕМ НЕПРЕСТАННО ПРИНОСИМАЯ ТЕБЕ МОЛЕНИЯ,/ БОГОРОДИЦЕЮ, ВСЕХ ЖИВОТЕ И ВОСКРЕСЕНИЕ. 13. Тропари, глас 2: ПРЕЧИСТОМУ ТВОЕМУ ОБРАЗУ ПОКЛАНЯЕМСЯ, БЛАГИЙ,/ ПРОСЯЩЕ ПРОЩЕНИЯ ПРЕГРЕШЕНИЙ НАШИХ, ХРИСТЕ БОЖЕ:/ ВОЛЕЮ БО БЛАГОВОЛИЛ ЕСИ ПЛОТИЮ ВЗЫТИ НА КРЕСТ,/ ДА ИЗБАВИШИ, ЯЖЕ СОЗДАЛ ЕСИ, ОТ РАБОТЫ ВРАЖИЯ./ ТЕМ БЛАГОДАРСТВЕННО ВОПИЕМ ТИ:/ РАДОСТИ ИСПОЛНИЛ ЕСИ ВСЯ, СПАСЕ НАШ,/ ПРИШЕДЫЙ СПАСТИ МИР. Глас 2: АПОСТОЛИ, ПРОРОЦЫ, СВЯТИТЕЛИЕ,/ ПРЕПОДОБНИИ, ПРАВЕДНИИ И ВСИ СВЯТИИ,/ ДОБРЕ ПОДВИГ СКОНЧАВШИИ И ВЕРУ СОБЛЮДШИИ,/ ДЕРЗНОВЕНИЕ ИМУЩЕ КО СПАСУ,/ О НАС ТОГО ЯКО БЛАГАГО, МОЛИТЕ,/ СПАСТИ ВЕРНО ВАС ПРИЗЫВАЮЩИХ,/ И ИКОНЫ ВАША, ЯКО ДРУГОВ БОЖИИХ,/ БЛАГОЧЕСТНО ЧТУЩИХ. Глас 1: ЛЮБОВИЮ, ЧИСТАЯ ДЕВО,/ ТВОЮ СВЯТУЮ ИКОНУ ПОЧИТАЮЩИМ,/ И БОЖИЮ ТЯ ИСТИННУЮ МАТЕРЬ,/ СОГЛАСНО ВОЗВЕЩАЮЩИМ,/ И ВЕРНО ПОКЛАНЯЮЩИМ ТИ СЯ/ ХРАНИТЕЛЬНИЦА ЯВИСЯ,/ И ДЕРЖАВНАЯ ПРЕДСТАТЕЛЬНИЦА,/ ВСЯКОЕ ЗЛО ОТ СИХ УДАЛЯЮЩИ, ЯКО ВСЯ МОГУЩАЯ. |
