Назад | Содержание | Вперед |
ПРИЛОЖЕНИЕ
Празднование в честь иконы Божией Матери “Млекопитательница” совершается 12 января (25 января по новому стилю). Божией Матери “Млекопитательнице” можно заказать молебен в церкви, а также молиться Ей дома.
О КОРМЛЕНИИ ГРУДЬЮ МЛАДЕНЦЕВ
Пресвятей Владычице нашей Богородице и Приснодеве Марии перед иконою Ея, именуемою Млекопитательница
Тропарь, глас 3
Без семене от Божественнаго Духа, волею же Отчею зачала еси Сына Божия, от Отца без матере прежде век суща, нас же ради из Тебе без отца бывша, плотию родила еси и Младенца млеком питала еси, темже не престай молити избавитися от бед душам нашим.
Молитва
Приими, Госпоже Богородительнице, слезныя моления рабов Твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши.
Темже тепле припадающе к цельбоносному образу Твоему и умилённо сей лобызающе, молим Тя, всемилостивая Владычице: нас, грешных, осуждённых в болезнех родити и в печалях питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави. Даруй им здравие и благомощие, да и питаемые от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою.
О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыханий рабов Твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших.
Вознеси мольбы наша к престолу Сына Твоего и Бога нашего, да милостив будет ко грехам и немощем нашим и пробавит милость Свою ведущим имя Его, яко да и мы, и чада наша, прославим Тя, милосердую Заступницу и верную надежду рода нашего, во веки веков. Аминь.
ПРИ НЕДОСТАТКЕ МАТЕРИНСКОГО МОЛОКА
Преп. Ипатию Печерскому, целебнику (30 марта /13 апреля)
Тропарь, глас 1
Безначальнаго онаго и тихаго места, идеже несть печали, ни воздыхания, достигнути, преподобне, желая, не дал еси себе зде покоя нимало, но присно день и нощь в делах всяких и жестоком житии трудолюбие подвизаяся, пребываеши, тем желаемаго получил уже, Ипатие, молися о душах наших.
Назад | Содержание | Вперед |